Яраслаў Іванавіч Клімуць нарадзіўся 10.01.1940 г.

у в. Вострава Мастоўскага раёна Гродзенскай вобласці.

​

З сялянскай сям'і.

Бацька, Іван Ігнатавіч, памёр у 1988 годзе.

Маці, Соф'я Іванаўна, была непісьменнай, усё жыццё прысвяціла выхаванню дзяцей, памерла ў 1968 годзе.

У іх хаце была невялічкая ўласная бібліятэка з рускіх, польскіх і беларускіх кніг. У далейшым кніга стала

для Я.Клімуця патрэбаю жыцця.

Вучыўся ён у Остраўскай пачатковай школе, потым —

у Гудзевіцкай сярэдняй школе, якую скончыў у 1958 годзе. Працаваў у калгасе, сельмагу.

У 1959—1962 гадах служыў у Савецкай Арміі.

3 1962 да 1967 года –  студэнт філалагічнага факультэта БДУ. У 1967— 1968 гадах  настаўнічаў у Дубаўской васьмігадовай школе Ваўкавыскага раёна.

Пасля каля года супрацоўнічаў у рэдакцыі ўздзенскай раённай газеты «Чырвоная зорка».

У 1969—1975  гадах выкладаў беларускую мову і літаратуру ў Ліцвянскай сярэдняй школе імя П.Ф.Глебкі Уздзенскага раёна. Адначасова вучыўся завочна ў аспірантуры

пры Інстытуце літаратуры імя Я.Купалы АН БССР (1972—1976). У 1979  годзе абараніў кандыдацкую дысертацыю па тэме «Якуб Колас і руская савецкая паэзія”.

З 1975 года – старшы выкладчык кафедры беларускай  літаратуры Магілёўскага педагагічнага інстытута імя А.А.Куляшова. З 1982 года дацэнт, а з 1986  года – дэкан філалагічнага факультэта гэтага інстытута.
   

Упершыню Я.Клімуць выступіў у 1967 годзе 

з рэцэнзіяй на юбілейны зборнік «Дзень паэзіі-67» (ваўкавыская раённая газета «Красный Октябрь»).

У рэс публіканскім перыядычным друку яго творы

пачалі змяшчацца з 1972 года.

У артыкулах і рэцэнзіях Я.Клімуць асвятляе стан сучаснай паэзіі і прозы. У манаграфіі «Жыццёвасць традыцый» разглядаюцца ўзаемасувязі беларускай і рускай літаратур, пераклады паэзіі Якуба Коласа на рускую мову,

даследуецца ўплыў эпічнай паэзіі беларускага класіка

на творчасць М.Ісакоўскага, А.Твардоўскага,

М.Рыленкава, М.Сідарэнкі і іншых.

 

Старшыня Магілёўскай абласной арганізацыі

Таварыства беларускай мовы імя Ф.Скарыны,

ля вытокай якоў стаяў у 1989 г. 

З ініцыятывы Я.Клімуця пры Магілёўскім дзяржаўным універсітэце імя А.Куляшова працаваў

нядзельны беларускамоўны ліцэй.

Таксама Я.Клімуць вёў літаратурную старонку

ў абласной газеце "Магілёўская праўда".

 

Дацэнт кафедры

англійскага, агульнага і славянскага мовазнаўства

Магілёўскага дзяржаўнага ўніверсітэта ім. А. А. Куляшова.

 

Сфера навуковых інтарэсаў — тэорыя літаратуры, гісторыя беларускай літаратуры і літаратурнай крытыкі, супастаўляльнае літаратуразнаўства, краязнаўства. Навуковыя і вучэбна-метадычныя публікацыі —

больш за 150.

 

Cябра Саюза беларускіх пісьменнікаў (1996).

 

 Узнагароджаны Ганаровымі граматамі

Міністэрства адукацыі Рэспублікі Беларусь (1982, 1998), Саюза беларускіх пісьменнікаў (1999),

Дзяржаўнага літаратурна-мемарыяльнага музея

Якуба Коласа (2004).