Школьнікі слухалі пра вайну...

23 лютага ў госці да вучняў магілёўскай сярэдняй школы № 8 завіталі пісьменнікі Міхась Булавацкі і Мікола Яцкоў.

Школьнікі падрыхтавалі літаратурна-музычную імпрэзу "Вайна вачамі дзяцей".

Мікола Яцкоў зрабіў экскурс у беларускую гісторыю, узгадаўшы бітвы пры Грунвальдзе і ля Оршы, і падкрэсліў, што беларусы перамагалі чужынцаў, якія імкнуліся захапіць Беларусь, і ўсё гэта знайшло сваё адлюстраванне ў беларускай літаратуры.

Міхась Булавацкі эмацыйна распавёў пра сваю сям'ю, якую мінулая вайна зачапіла сваім чорным крылом.

З вялікай цікавасцю пісьменнікі азнаёміліся са змястоўным зборам этнаграфічнага кутка кабінета беларускай мовы і літаратуры. Новыя друкаваныя выданні Союза беларускіх пісьменнікаў папоўнілі кніжную палічку гэтага кабінета.