Да юбілею Івана Пехцерава

6 студзеня 2018 г. у Брылёўскай сельскай бібліятэцы Магілёўскага раёна адбылася літаратурная вечарына "И собираю я по строчке свои стихи, как мёд пчела", прысвечаная 80-годдзю з дня нараджэння вядомага магілёўскага паэта Івана Пехцерава.

Бібліятэкар Юлія Яцкова распавяла прысутным пра вехі яркай і насычанай біяграфіі паэта.

Сваімі ўспамінамі аб сяброўстве і супрацоўніцтве з Іванам Ягоравічам падзяліўся кампазітар-песеннік Мікалай Яцкоў, які напісаў больш за трыццаць песень на вершы паэта. (Слухаць: "Паромщик", "У Вечного огня" , "Снегири на снегу")

Удзельнікі самадзейнасці Брылёўскага сельскага Дома культуры Лілія Поршнева, Макар Меляшкоў і Павел Дайнека прачыталі вершы юбіляра.

З вялікай цікавасцю ўдзельнікі вечара азнаёміліся з відэапрэзентацыяй пра жыццё і творчасць І.Пехтерева.

Да юбілею паэта ў бібліятэцы падрыхтавана і аформлена выстава літаратуры, дзе таксама прадстаўлены і кнігі з аўтографамі Івана Пехцерава.

Фотаздымкі Міколы Яцкова і Юліі Яцковай