Кніга аўтографаў - у падарунак
Вядомы беларускі паэт, сябра СБП Сяргей Панізьнік выпусціў сваю новую кнігу - даволі незвычайную па зместу. Тут сабраны дарчыя надпісы на кнігах з асабістай бібліятэкі спадара Панізьніка. Калекцыя папаўняецца шмат гадоў, і вось зараз, дзякуючы выданню, усю гэтую эпісталярную спадчыну можна патрымаць у руках і пабачыць на свае вочы.
Ёсць тут і аўтографы Аляксея Васільевіча Пысіна, да якога Сяргей Панізьнік ставіўся з найвялікай павагай. Менавіта з гэтай нагоды экзэмпляр кнігі, падрыхтаваны ў падарунак Магілёўскай абласной бібліятэцы, аўтар падпісаў так:
Сапраўды, усе мы - насельнікі планеты Аляксея Пысіна.
