У Магілёве ўзнагародзілі работнікаў дзяржаўных друкаваных і электронных СМІ
29 мая 2017 г.
1 мин. чтения
12 мая ў Магілеве адбылася ўрачыстая цырымонія ўзнагароджання работнікаў дзяржаўных друкаваных і электронных СМІ.
У спаборніцтве сярод журналістаў дзяржаўных перыядычных выданняў Прыдняпроўскага краю першае месца заняў вядомы магілёўскі журналіст, сябра СБП Міхась Аляксеевіч Карпечанка (газета "Зара над Друццю", г.Бялынічы).
Міхась Карпечанка (крайні справа) сярод калег
У фае была разгорнута экспазіцыя медыяпраектаў студэнцкай прэс-службы Магілёўскага дзяржаўнага універсітэта імя А. А. Куляшова, а таксама прафарыентацыйная выстава універсітэта, дзе гасцінным гаспадаром быў выкладчык кафедры літаратуры і міжкультурных камунікацый гісторыка-філалагічнага факультэта, кандыдат філалагічных навук, дацэнт, сябра СБП Віталь Іванавіч Еўмянькоў.
Экспазіцыю універсітета наведалі намеснік старшыні Магілёўскага аблвыканкама Андрэй Міхайлавіч Кунцэвіч і старшыня Магілёўскага абласнога аддзялення Саюза пісьменнікаў Беларусі Алесь Мікалаевіч Казека.
Усё падрыхтавана... В.Еўмянькоў і А.Казека Андрэй Кунцэвіч зацікавіўся... В.Еўмянькоў і А.Кунцэвіч
Трэба дадаць, што медыяпраекты студэнтаў-журналістаў былі таксама прадстаўленыя 6 мая ў павільёне «СМІ Магілёўскай вобласці» XXI Міжнароднай cпециализированной выставы «СМІ ў Беларусі», якая праходзіла ў павільёне Белэкспа (г. Мінск).
Віталь Еўмянькоў (справа)
Комментарии