У гасцях у бібліяфіла

Сябры гарадскога літаратурнага клуба «Святліца» Алена Быкава, Крысціна Башарымава, Марына Букатова і я, аўтар гэтых радкоў, разам з кіраўніком клуба Тамарай Пятроўнай Аўсяннікавай 16 мая 2017 года пабывалі ў гасцях у журналіста і паэта-філосафа Эдуарда Іосіфавіча Мядзведскага.

Ён паказаў нам сваю бібліятэку, у якой звыш шасці тысяч кніг, і падрабязна распавёў пра некаторыя з іх. Нават цяжка ўявіць, як можна было размясціць у двухпакаёвай кватэры такую велізарную бібліятэку. Тут у кожнай кнігі сваё месца. Іх гаспадар дакладна ведае, дзе стаіць якая кніга, як ён яе набыў, дзе, пры якіх абставінах і чаму. Э.Мядзведскі не проста кнігалюб, ён - бібліяфіл. У ягонай бібліятэцы няма непрачытаных кніг, некаторыя - па некалькі разоў.

Распавядаючы пра аўтараў, Эдуард Іосіфавіч тут жа зачытваў ўпадабаныя вершы, цытаты з твораў. Пазнаёміўшы нас з кнігамі па філасофіі, ён выказаў сваю гіпотэзу пра стварэнне свету. З гумарам і вельмі сучасна прадставіў анёлаў: «Анёлы - гэта кампутарны вірус, збой у праграме Бога».