Алесь Казека: "Вось бы часцей так сустракацца!"

Сёння да нас у офіс, што ў Доме друку, на кубачак кавы зазірнулі жаданыя госці: - кандыдат філалагічных навук, дацэнт кафедры англійскай, агульнага і славянскага мовазнаўства Магілёўскага дзяржаўнага ўніверсітэта ім. А. А. Куляшова Яраслаў Іванавіч Клімуць; - вядомы Магілёўскі паэт і адзін з лепшых літаратуразнаўцаў Магілёўшчыны Сяргей Сяргеевіч Украінка; - празаік і літаратуразнаўца Пётр Мікалаевіч Камкоў.

Пагаманілі "за жысць", затым непрыкметна пераключыліся на праблемы Магілёўшчыны літаратурнай, узнялі шмат надзённых пытанняў. З усмешкай, уласцівай умудроным людзям, за плячыма якіх не адзін год выкладчыцкай працы ў галіне літаратуры, гаварылі пра набалелае.

Вокаймгненна праляцеў час. Сябры развіталіся і... пайшлі па сваіх справах, аставіўшы ў нашым пісьменніцкім офісе водар шчырасці і сапраўднасці. Вось бы часцей так сустракацца!

Алесь КАЗЕКА