Да юбілею Марыны Цвятаевай
3 лістапада ў магілёўскай бібліятэцы імя Я.Купалы адбылася літаратурна-паэтычная дзея «Рэвалюцыя і лёс паэта», прымеркаваная да 100-годдзя Кастрычніцкай рэвалюцыі і 125-годдзя з дня нараджэння Марыны Цвятаевай.
Вядучая - Ірыны Цінякова
Мерапрыемства падарыла публіцы радасць сустрэчы з паэтычным сусветам яркага і значнага паэта першай паловы ХХ стагоддзя. Прасочваючы сёння жыццёвы шлях Марыны Іванаўны Цвятаевай, чытаючы яе вершы і прозу, бачыш, колькі выпрабаванняў выпала на долю гэтай рускай інтэлігенткі, як падзеі рэвалюцыі адбіліся на жыцці, творчасці і яе лёсе.
У ходзе сустрэчы прагучалі лепшыя вершы Марыны Іванаўны розных перыядаў яе жыцця, якія прачыталі артысты народнага тэатра Палаца культуры вобласці (мастацкі кіраўнік Ала Кускова).
Вядомыя рамансы Андрэя Пятрова «Пад лаской плюшевога пледа» і Мікаэла Тарывердзіева «Мне нравится, что вы большы не мной» на вершы М.Цвятаевай пад гітарны акампанемент пранікнёна выканаў саліст студыі «Раманс» Сяргей Чарноў.
Вершы вядомай паэтэсы натхнілі нашага магілёўскага паэта і кампазітара Мікалая Яцкова, які напісаў і выканаў тры песні пад апладысменты ўдзячнай публікі.
Магілёўская паэтка Наталля Кажэўнікава прачытала вершы «Уж сколько іх упало в эту бездну» і «Моим стихам, написаным так рано».
Напрыканцы мерапрыемства для аматараў паэзіі быў прадастаўлены адкрыты мікрафон, і кожны прысутны меў магчымасць прачытаць любімыя вершы. Усе разам выканалі песню-караоке на верш М. Цвятаевай.
У зале дэманстраваліся кніжна-ілюстраваныя выставы «Моим стихам настанет свой черёд» і «Вялікі Кастрычнік ў нашай гісторыі».
Паводле http://csgpb.mogilev.by/
