Уведалі нашых: у Мінску сустрэліся літаратары з усіх рэгіёнаў Беларусі
3 дек. 2017 г.
2 мин. чтения
23 лістапада, пад дэвізам "Ведай нашых", у мінскім Літаратурным музеі Максіма Багдановіча адбылася прэзентацыя абласных альманахаў Саюза беларускіх пісьменнікаў.
У будучым годзе – невялікі юбілей, менавіта ў 2008-м выйшаў першы абласны альманах Саюза беларускіх пісьменнікаў, а менавіта выданне яго Брэсцкай абласной філіі “Жырандоля”. Аўтарам ідэі і ўкладальніцай яго з’яўлялася паэтка Ніна Мацяш, тагачасная старшыня абласнога аддзялення СБП. З цягам часу ўласныя літаратурныя альманахі займелі ўсе абласныя філіі арганізацыі. У Гродне з’явіўся “Новы замак”, у Гомелі – “Палац”, Магілёве – “Брама”, Віцебску – “Ратуша”.
З вітальным словам выступае старшыня СБП Барыс Пятровіч
Кожны з альманахаў ёсць своеасаблівай анталогіяй літаратурнага жыцця ў рэгіёне і ўключае творы як сяброў Саюза, так і маладых літаратараў, а таксама мясцовых эсэістаў і публіцыстаў, якія маюць не такую і частую магчымасць надрукаваць аб’ёмныя творы ці крытычныя даследаванні ў новым выпуску рэгіянальнага выдання.
Т.Барысік і М.Булавацкі Я.Клімуць і М.Яцкоў Т.Барысік С.Украінка і Т.Барысік
У такім прадстаўнічым складзе, зборы ўсіх пяці абласных рэдакцый, літаратары сабраліся ў Мінску ўпершыню. Старшыня ГА "Саюз беларускіх пісьменнікаў" Барыс Пятровіч, вітаючы прэзентацыю, у сваім уступным слове якраз і адзначыў ўнікальнасць гэтай падзеі. Літаратурнае жыццё Беларусі найбольш актыўна бруіць у сталіцы і рэдка перакрочвае межы МКАДа. Тым часам за кальцавой жывуць многія дзясяткі адораных творцаў, вельмі часта абдзеленых увагай мінскай грамады.
Выступае У.Арлоў Уладзімір Арлоў
Адмысловую прэамбулу да прэзентацыю зрабіў найвядомейшы пасля Скарыны палачанін Уладзімір Арлоў. Ён распавёў гісторыю наваполацкага і мінскага самвыдату, у тым ліку - пра полацкія выданні "Блакітны ліхтар" з накладам у 1 асобнік, "Мілавіца" -- 3 асобнікі, "Ксэракс беларускі" - 100 асобнікаў. Падшыўка першага выдання цалкам была сканфіскаваная органамі дзяржбяспекі, а вось унікальны асобнік "Мілавіцы" быў ці не ўпершыню прадэманстраваны грамадскасці. Напрыканцы свайго выступу Уладзімір Арлоў усцешыўся нашмат лепшымі варункамі працы сённяшніх літаратараў у рэгіёнах. Бо ўсё-такі адна-экзэмплярныя выданні засталіся ў мінулым.
Таццяна Барысік Міхась Булавацкі Яраслаў Клімуць Анатоль Санаценка Сяргей Украінка Мікола Яцкоў
Далей вечарына прадставіла пяць міні-прэзентацый літаратурных рэгіёнаў Беларусі. Сярод выступоўцаў былі - Мікола Аляхновіч, Марыя Баравік, Анатоль Бароўскі, Таццяна Барысік, Міхась Булавацкі,Юрка Голуб, Валянцін Дубатоўка, Алесь Замкоўскі, Яраслаў Клімуць, Настасся Лазебная,Ала Петрушкевіч, Аляксей Пяткевіч, Анатоль Санаценка, Сяргей Украінка, Мікола Яцкоў і многія іншыя.
Завершыў імпрэзу музычны выступ барда Алеся Камоцкага.
Дзякуй за фотаздымкі
цудоўнай Надзеі Бацілавай!
Віталь і Дзяніс Васільковы
Асабістая падзяка ад магілёўскіх літаратараў
нашаму вялікаму сябру Віталю Васількову
за дапамогу ў арганізацыі вандроўкі!
Паводле http://lit-bel.org/
Комментарии