У Магілёве ўзгадалі філаматаў
12 дек. 2017 г.
1 мин. чтения
9 снежня ў Магілёўскай абласной бібліятэцы прайшла літаратурна-музычная вечарына, прымеркаваная да 200-годдзя таварыства філаматаў.
У імпрэзе прынялі ўдзел пісьменнік, сябра СБП, кандыдат філалагічных навук, выкладчык Магілёўскага дзяржаўнага універсітэта імя А.Куляшова Віталь Еўмянькоў і госць з Мінску, бард, паэт і перакладчык Аляксей Жбанаў.
З уступным словам выступае
кіраўнік Магілёўскага ТБМ імя Ф.Скарыны Алег Дзьячкоў
m5CskJOSKUo HZuflF0A4v4 h1840yv4hjA 2tpa3ljwj5E eUTF3__bI20 LS8M7gtevRs
Віталь Еўмянькоў распавёў пра жыццё і дзейнасць філаматаў, гісторыю ўзнікнення гэтага тайнага таварыства, якое складалася з лепшых прадстаўнікоў эліты ВКЛ, якія ў той час вучыліся ў Віленскім універсітэце.
4OcF16S3Geo TyF_B3kWShM Dmldw9QLs8A STEG1tskhRk
Аляксей Жбанаў выканаў некалькі песень, у першую чаргу - напісаных самімі ўдзельнікамі суполкі філаматаў, а сярод іх было немала паэтаў, напрыклад, адным з актыўных сябраў таварыства быў Адам Міцкевіч.
Некаторыя з песень разам з Аляксеем праспявалі нават і наведнікі вечарыны.
Арганізавалі вечарыну магілёўская суполка Таварыства беларускай мовы імя Скарыны разам з Магілёўскай абласной бібліятэкай.
Таварыства філаматаў — тайнае таварыства ў навучальных установах Віленскай вучэбнай акругі. Створана ў 1817 па ініцыятыве групы студэнтаў Віленскага ўніверсітэта (А. Міцкевіча, Т. Зана, Я. Чачота, Ю. Яжоўскага і інш.) гурток філаматаў ператварыўся ў даволі буйную арганізацыю са шматлікімі філіяламі ў розных раёнах Беларусі.
Алесь Сабалеўскі.
Фота і відэа аўтара.
Комментарии